By 
Nuorēm praneštė, kad sobėriejė i šėpolios dar neprasėdiejosi valdžančiuojė Lašėnėnė ėr Kanapėnė koalicėjė. Puo nuolatėniu barniu ėr priekaištu dalėjėmuosi vėins kėtam – anoudo nosprėndė etė į aukčiausės pavasarė tarības rėnkėmus nu atskėrū šaiku! Lašėnėnis atsovaun SOTŲ KRAŠTĄ, vuo Kanapėnis bolotėroujės so TVARKA IR ŽALUMAS. Kas dar priklausa anoudoms sarašams – vėinas blosas težėna. Rėnkėmėnė kuova tik ėsėsmarkoun! Salontū miesta centrėnie aikštie jau riuogsa reklamėnē stėndā, ka vasarė 21 d. neožmėrštomėt ožsoktė i pašielosius Ožgavieniu rėnkėmus! Būs galėmībė sosėpažintė so toudviejū kandidatu pruogramuom, sodalīvautė ėnėrtingūs ČEBATŪS, ir patīms nosprėstė – kuokiū permainu lauktė ateinonti pavasari!
